لسه ناقل في شقتي الجديده

=دا انا طالع اروق شقة الاستاذ ابراهيم عشان جاي لها مشتري،،

-واثر النار اللي في الحمام راح؟؟

=ابدا والله،، بس اهو ممكن يبقي يغير هو البلاط..

وقتها دار في بالي الليلة اللي كان فيها حمام الاستاذ ابراهيم بيولع

ليلتها لما بصيت على النار في الحمام بتاعه واحنا بنحاول نطفيها حسيت بحاجه غريبه في حمامه عن حمامي،،

احساس الاستغراب اللي بتحسه وانت بتلعب لعبة الفرق بين الصورتين بس مش عارف تحط ايدك علي الفروق،، ووقتها بررت الموضوع باني حاسس بكده عشان النار اللي والعه في الحمام،،

لكن لما البواب عداني وكمل لفوق رجعت انا لحمامي وبصيت فيه تاني فلقيت نفسي بقول-هو ايه الطبيعي وايه اللي مش طبيعي؟؟

الطبيعي بنقول عليه طبيعي لما نقارنه بالمثل

انا ازاي هعرف ان حمامي طبيعي الا لو شفت باقي الحمامات بتاعت المنطقه او على الاقل اشوف واحد غيره

وساعتها طلعت ورا البواب ودخلت معاه شقه الاستاذ ابراهيم وسبته ينضف في الشقه الفاضيه ودخلت على الحمام وفضلت واقف أتأمله شويه وابص على اركانه وابعاده وشكله..

كانت كل حاجه زي حمامي بالظبط ومفيش اي اختلاف بس بردو حاسس باختلاف مش قادر احط ايدي عليه

فقعدت على طرف البانيو وانا بفكر،،،

لكن مجرد ما قعدت حسيت بالفرق

طبعا البانيو محطوط في زاويه الحمام،،

ناحيه من طوله وناحيه من عرضه ملتصقين بالجدارين اللي عاملين زاويه قايمه والناحيه التانيه من طوله وعرضه متقفل عليهم بالسيراميك..

انا لما قعدت على طرف البانيو بتاع حمام الاستاذ ابراهيم حسيت ان انثناء رجليا عامل زاويه قايمه

انما لما كنت قاعد على طرف البانيو بتاع حمامي كانت رجليا عامله زاويه منفرجه..

الجنب بتاع البانيو عندي في حمامي اعلى من الجنب بتاع البانيو في شقة الاستاذ ابراهيم بمسافه كافيه

وعشان اتأكد رحت جبت مقاس وقيست جمب البانيو في الشقتين كان الجنب عندي اطول بمسافة خمستاشر سنتي

او اكتر..

وساعتها رحت جبت أجنه حديد وشاكوش وبدأت أكسر في البانيو فلقيت تحته طبقة اسمنت خفيفه فكسرتها عشان الاقي تحتها طبقة رمل وفيها هيكل عظمي لطفله صغيره..

كان واضح ان القا@تل عارف كويس ان مع التقفيل بالسيراميك على حواف البانيو عمر ما ساكن زي حالاتي هيحس بارتفاع البانيو بتاعه وبالنسبه للتسليم فعادي،، دول ١٠٠ حمام مين هيركز في ارتفاع بانيو واحد في مساكن اهليه متسلمه متشطبه تشطيب زي دا..

وساعتها طلبت النجدة..

بعد التحقيقات وتحليل ال (DNA) اكتشفوا ان دي طفله كانت معتبره في تعداد المفقودين وساكنه في منطقه شعبيه قريبه من المساكن بتاعتنا..

وبعد ما جابوا المقاول اللي باني المساكن دي

واستمرت التحقيقات وصلوا للسباك اللي كان واخد مقاولة العماير دي بلاط وسباكه..

كان مشغل اتنين صنايعيه تحت ايده في كل عماره يشيلوا شغلها ولما جابوا الاتنين الصنايعيه اللي كانوا شغالين في العماره دي اعترفوا بالواقعه..

بنت عندها عشر سنين معديه لوحدها من جنب منطقه تحت الانشاء في الوقت اللي اللي كان الاتنين العمال تحت،،

خبطه على الراس وبعد كده عبوها في شكاره وخدوها على فوق..

خلصوا جريمتهم ودفنوها تحت البانيو،،،

هيكل البنت اتسلم لاهلها واتدفنت

والاتنين الذئاب اخدوا اعدا@م بس لسه الحكم ما اتنفذش

لكن من يوم ما ال@جثه طلعت وبسنت رجعت طبيعيه..

تمت …