لسه ناقل في شقتي الجديده

لسه ناقل في شقتي الجديده من كام يوم وبطبيعة الحال لسه ماليش علاقه بأي حد من السكان لكن الغريب اني بعد كام ليله ليا فيها،، صحيت من نومي انا ومراتي مفزوعين الساعه واحده وخمس دقايق على صوت صرخ@ه عاليه

كانت صرخ@ه طوييييله مش صرخ@ات متقطعه

وكأن اللي بيصر@خ مش بشر لأن الصرخ@ه البشريه لازم تكون صرخ@ات متقطعه اما دي فكانت مكمله على وتيره واحده،،

فطلعت من اوضتنا على الصاله بسرعه فلقيت بسنت بنتي جايه من اوضتها مفزوعه من صوت الصرخ@ه فسبتها في حضن مامتها وطلعت جري فتحت باب البلكونه عشان اشوف الصرخ@ه دي جايه منين..

المنطقة كانت منطقة سكنية جديده عبارة عن صفين من العمارات قصاد بعض بينهم وبين بعض شارع عشره متر،،

كل صف فيه خمس عماير وكل عماره خمس ادوار وكل دور شقتين وكل الشقق نفس التصميم وماكانش اتسكن تقريبا الا نص الشقق اللي في المنطقه دي..

فأول ما طلعت البلكونه حسيت ان الصوت جاي من العماره اللي قصادنا اللي لسه مافيهاش سكان الا في الدور الاول والتاني لكن لما ركزت في شبابيكها لقيت شباك الصاله بتاع الشقه اللي قصادي في الدور التالت مفتوح..

الغريب اني متأكد ان كل شبابيك الادوار من التالت للخامس كانوا مقفولين ولما ركزت اوي في الشباك المفتوح حسيت على نور العمدان اللي متسرب للشقه الضلمه ان في خيال اسود شبه شفاف بيتحرك ببطء في الشقه..

فركت عينيا وانا ببص فلقيت الخيال دا اختفى لكن ظهر نور احمر طالع من حمام الشقه دي زي ما يكون في نار ولعت جواه والصرخه وقفت..

كنت بفكر اتصل بالمطافي بسرعه لكن مجرد ما كنت بلف جسمي عشان ادخل جوا شقتي تاني

لمحت جاري اللي ساكن في الشقه اللي جمبي واقف في بلكونته بالفانله الحمالات وماسك سيجاره وكوباية شاي ومش واضح عليه أي تأثر نهائي..

فسألته- هو حضرتك ماكنتش سامع صوت الصريخ؟؟

فابتسم ابتسامة نعسانه وبارده=لا سامع طبعا

-امال حضرتك مش باين عليك اي فزع ليه؟؟

=انت لسه جديد في المنطقه صح؟؟

-ايوه صح

=خلاص بكره تتعود