الحما ادخلى يلا

وإنا قربت منها وقولت

اسما_رايحه فين يا رنيم مش سمعتي حماتي بتقول ان الدولاب لسه ما اتفرش اقعدي افرشي معايا لو سمحت

ملك _ معلش بقى يا اسما انا راي حماتك ورانا شغل كتير في بيت ماما ابقى اقعدي انت افرشيه ودي حاجه بسيطه يعني مش هتستاهل ان احنا كلنا نقعد نعملها يلا بينا يا ماما وفعلا مشيوا

الحما _ معقول دول اخواتك دول ازاي يسيبوكي كده في يوم زي ده ويمشوا يعني

اسما_ انا مش فاهمه ليه بس يا حماتي احمد عمل كده ما هو عارف ان انا جايه وهفرش في شقه النهارده انا واخواتي

الحما _ والله يا بنتي ما كانت مقصوده ده هما يا دوبك كانوا بينزلوا ليا التلاجه بتاعتكم وبيطلعوا ليكي التلاجه بتاعتي لقوا شقه كده قالوا يفرشوها بالمره

اسما_ بينزلوا ثلاجتي ليه تحت يا حماتي انا مش فاهمه كلامك

الحما _ انتي يا حبيبتي هتعيشي عندي تحت مش هتطلعي شقتك دي الا على النوم كده كده اصلا ولا هتطبخي ولا هتشيلي اكل في الثلاجه عايزه ثلاجه ليه بقى

اسما_ بس لو اخواتي جم وشافوا الحاجات دي هيتكلموا يا حماتي كنتي على الاقل صبرتي لحد ما اتجوزنا

الحما_ حبيبتي انتي هتفرشي الدولاب ومحدش هيدخل الشقه دي تاني الا يوم دخلتك انا اضمن منين حد يرمي حاجه لابني كده ولا كده انا بخاف على ابني قوي

اسما_ اللي تشوفيه حماتي انا هعمله حاضر انا اخش افرش الدولاب بقى واخلصه

وبعدها روحت ولقيت إخواتي قاعدين

قدام التلفزيون

رنيم _ ههههه والله الفيلم ده حلو اوي

مهما اتفرجت عليه مش بزهق منه

اسما_ والله العظيم انتوا الاتنين بجاحه يعني بدل ما تقعدوا معايا تفرشوا الشقه قاعدين قدام التلفزيون، ورنيم قامت وقفت.وقالت

رنيم _ انتي اللي واحده ما عندكيش دم اول ما كنت تشوفي الشقه تنزلي معانا. مش

كنتي تعدي الحوار اللي حصل ده

اسما_ والله ولما كنت عملت كده بقى هيكمل ليا فرش شقتي وخرجت ماما وقالت 

الام _ اسمعي يا اسماء احنا عمر ما حد عمل فينا كده الا لما انتي اتخطبتي للواد ده مخليه حماتك ليها كلمه علينا وانا لا يمكن اقبل الموضوع ده خالص

اسما_ مش قادره تستحمليها بس يا ماما كام يوم دول بكره لما اتجوز مش هيبقى ليها كلمه علينا خالص

رنيم $ لا والله هو انتي مصدقه نفسك ان شاء الله ده حماتك بكره بتتشرط امتى نجيلك وامتى ما نجيلكيش

اسما_ هو انتي ليه كده عايزه تولعي الدنيا ما تهدي شويه يا رنيم في ايه

رنيم _انا بولع الدنيا يا اسما على العموم اللي انتي شايفاه صح اعمليه وعدا الاسبوع

واتجوزت احمد واحنا داخلين البيت لقيت حماتي بتقول

الحما _ رايحين فين يا هوانم ما خلاص العروسه للعريس والجري المتعيس

ملك _ احنا بس هنطلع عليها العشا وهنطلع الحاجات دي وهننزل على طول ولا عايزاها هي اللي تشيلها وهي لبساه فستان الفرح ولا ايه

الحما _ وانا ما يهونش عليا تعبكم خالص والله سيبوا الحاجه هنا وانا هبقى اطلعها الف مبروك وتعالى بكره بقى متاخر شويه يعني هما عرسان ومن حقهم يصحوا براحتهم، وكنت شايفه

نظره ماما ليا كانت عايزني اتكلم بس سكت

خالص

وبعدها طلعت شقتي

احمد _ ما تعرفيش النهارده فرحه عمري ازاي يا اسما ان احنا اتجوزنا ربنا يخليكي ليا يا حبيبتي

اسما_ بس انا عايزه مامتك تهدي علينا شويه ما ينفعش اللي هي بتعمله ده

احمد _ بالله عليكي ده وقته ان احنا نتكلم فيه بمشاكل يلا بقى يا عروسه الف مبروك

وبعدها ماما واخواتي روحوا ورنيم قابن

رنيم $ اسمعي يا ماما لو انتي ناويه تروحي بكره احنا مش هنروح معاكي انا بصراحه ربنا لو روحت وشوفت حماتها دي ثاني ما اطمنش انا هعمل فيها ايه

الام _ شوفتي اللي حصل دي طردتني وبنتي ماتكلمتش

ملك _ ومش هتتكلم يا ماما بس انا مش مع رنيم في اللي بتقوله ده على الاقل بكره تودي لها الصباحيه وبعد كده مش عايزه تروحي براحتك

رنيم $ براحتكم عايزين تروحوا انتوا روحوا انما انا مش هنزل من كرامتي واروح البيت ده ثاني

وفعلا بعدها ماما جت وكنت هفتح الباب

لقيت احمد بيقولي

احمد _ رايحه فين يا عروسه ما ينفعش انت يا اللي تفتحي الباب ادخلي جوه وانا هشوف مين اللي على الباب وبعدها فتح الباب

ملك _ الف الف مبروك يا عريس ما رضيناش نيجي لكم الصبح لتكونوا نايمين

الام _ مبروك يا جوز بنتي ربنا يكمل لكم الموضوع على خير

احمد _ الله يبارك فيكي بس بعد اذنك يا طنط لما تكوني ناويه تيجي هنا تاني تعدي على ماما تحت وتستاذنيها الاول

الام _ انتي عايزني استاذن مامتك عشان اطلع شقه بنتي لو على ايه يا ابني ابقى خذ الفطار ده دي للعروسه مع انه جاي متاخر وسابو الحاجه

ومشيوا وانا خرجت