رواية انثى من ناار
وانا واقفة بابص عليهم وهما نازلين لقيت عدي سرحان وبيبصلي وانا مش مركزة معاه
حبيبة لفتت نظري اتخضيت وجريت على جوةلاني مع الموقف اضطريت اخرج بشعري وبملابس خفيفة
جدي الي كان امام مسجد وحافظ كتاب الله وايمانه قوي وبيقدر يعالج حالات المس والسحر مسك المية والملح وقرا قران ورش على العتبة وعلى السلالم وقالنا: خير ياولاد مفيش حاجة حصلت ادخلو نامو وانا ليا تصرف تاني
بابا قاله على فكرة احنا مسافرين كمان شوية لام الاولاد. حالتها حرجة وعاوزة تشوفهم وانا رايح معاهم
جدي: ونعم التصرف شفاها الله وعفاهاياحبيبي
دخلنا شقتنا بابا كان بحالة ذهول ولكنه عاقل وميحبش يخوفنا او يقلقنا
قام صلى وطلب مننا نجهز وانطلقنا بطريقنا لبلد امي
اما في شقة منصور اول مادخلو
جريت منال على اوضتها ومنصور قعد مع اولاده وقال: عدي شوفت تصرفات امك
نور: كله من زفتة
عدي: انتي طبيعية انتو بتكرهوها ليه ها وليه الغباء دة ومن امتى بنأذي حد. كدة
منصور: يابني امك مش ناقصه
عدي: يعني الخلاصة مش هتعملها حاجة
منصور: ايه هاشنقها يعني
عدي: لاحول ولاقوة الابالله يعني كدة جدي هو الي هايتعامل وانت عارف هو يقدر يعمل إيه مع امي واهلها وهيعمل قعدة ونتفضح فنصيحة من ابنك مشيهاولحد ماالدنيا تهدا
منصور سابه ودخل اوضته
ونور جريت على اوضتها وعملت فيديو تيك توك حزين بملابس فاضحة وهي سعيدة بتعليقات الاعجاب والتغزل بجسمها
وخاصة عمرو صديقها ورسايله عالواتس
وكالعادة كان يطلب منها صور عا.. رية وهي ترفض بدلع
بقلم مرفت السيد
اما عدي فتح الانستجرام والفيس بوك وبحث عن اكونت حلا بنت عمه وظل يشاهد بوستاتها وهو سعيد ومبتسم
وظل يفكر بها حتى اتصلت به صديقته وطلبت مقابلته
اما بمنزل فادية دخلت وهي تستغفر وتقول: شوفت يامحمد مرات اخوك القادرة بس عجبتني حلا هادية بس قطة بتخربش
محمد: منال دي شر خدي بالك منها
مجدي: متخافش يابابا جدي هايمشيها
فادية: صدقت يابني ياللا عشان ترتاحو النهاردة اجازة
وصلنا عند بيت اهل ماما استقبلونا بحفاوة
بابا عرفنا بخالي ايمن اخو ماما الصغيروالوحيد كان شخص محترم اخدنا بالحضن بكل حب قالنا انه متجوز وعنده بيبي لسة مولود وصمم يغديناونرتاح ونتعرف بأسرته بس احنا صممنا انه يودينا المستشفى الاول
وصلنا المستشفى واعصابنا متوترة حبيبة ماسكة في ايدي اكنها بنتي وانا باتماسك ولكن على وشك الانهيار
انا على وشك اشوف امي الي ماشفتهاش من اكتر من 10 سنين
بابا كان متوتر ولكنه متماسك وبيبتسم لينا عشان يطمننا الدكتور الي بيعالجها قابل خالي وقاله بلاش انفعالات بالزيارة
واخيرا وقفنا قدام الاوضة ورهبة اللقاء مسيطرة علينا
خالي شجعنا وفتح الباب ودخل امامنا وقال: اتفضلو ياجماعة
ودخلنا لنجد أمي.........
دخلنا بخطوات مترددة وخالي راح جنبها وقالها بناتك هنايامنى
كنت بحاول ابصلها حتى باحاول اتغاضى عن اخر ذكرى سابتها
اتفاجئنا بيها هزيلة ومريضة جدا فتحت عنيها بصعوبة اول ماشافتنا بكت رغم مرضها كان وجهها منور
وقالت بصوت يكاد يكون مسموع: حلا حبيبة قربوا مني
قربت انا وحبيبة واحنا ماسكين ايد بعض بابا راح وقف بعيد وهو بيهز راسه بيشجعنا نقرب منها
بقلم مرفت السيد
مسكت ايدي انا وحبيبة وفضلت تبوس فيها وتبكي وتقول: الحمد لله عشت لحد. ماشفتكم عرايس الحمد لله شوفتكم قبل مااموت الف حمد وشكر ليك يارب
ومسكت وشي وفضلت تتأمله ونفس الشيء مع حبيبة
مقدرتش امسك نفسي من العياط وحبيبة كمان
حضنتها قالتلي سامحيني ياحلا وانتي ياحبيبة سامحني يامنير انا غلطت وتوبت
كفاية اني اتحرمت منكم والنبي يامنير قولي مسامحك
كانت بتعاني وهي بتتكلم
بابا قالها المسامح ربنا يامنى ربنا يسامحنا ويغفرلنا
قالتله: طول عمرك قلبك. كبير
وبصت لاخوها وقالتله: ايمن ناولني الشنطة
اخدتها منه وطلعت ورق في ظرف كبير
وقالت: خد يامنير امسك
بابا: ايه دة
ماما: دول عقود بيع وشرا ورثي من ابويا في الارض كتبته للبنات الارض دي بتاعتي وايمن هو الي بيزرعها وبيديلي مكسبي منها بما يرضي الله وفي شيك بكل فلوسي في حساب باسمكم ياحبايبي والعلبة دي فيها دهبي من امي الله يرحمها شيلتهولكم
ونازلت ظرف لاخوها وقالتله: وانت ياايمن دة تنازل مني عن نصيبي في البيت والجرار والمحل ربنا يخليك لولادك
بكى ايمن وقالها: ليه كدة بس ربنا يطول بعمرك
قولتلها: احنا مش عايزين حاجة قومي بس انتي وشدي حيلك
حبيبة عيطت وحضنتها وقالت: ايوة هاتخفي بإذن الله
ابتسمت وقالت: انا دلوقتي هاموت وانا مرتاحه بس سيبوني مع منير
حضناها وقبلنا ايديها وخرجنا مع خالي
خرجت انا وحبيبة واتفتحنا بالعياط دي امي مهما كان
خالي فضل يهدينا
بابا قالها: متجهديش نفسك بالكلام
منى وهي تنهج بشدة وضعف: اسمعني انا معنديش وقت كبير انا غلطت بحقك بس ورحمة ابويا دي كانت مرة وضعفت بس محصلش بينا حاجة هو جه على غفلة وأنا كنت فاكراك.انت الى بتخبط مش هانكر اني كنت هاضعف بس انا جيت وحصل الي حصل انت كنت بتسافر كتير وهو استغل وحدتي انا عشت من يومها باستغفر
وباتوب وربنا يعلم حجيت وعشت بدون جواز حتى بناتي مارضتش اطلب رؤيتهم عشان انفذ اتفاقنا باني ابعد وانساهم. مقابل انك تسترني وكتر خيرك سترتني قدام. اهلي لما اتصلو بيك وسألوك عن سبب الطلاق واحنا ارياف وكنت خايفة بس ربنا رحيم وسترني
عاوزاك تخلي بالك عليهم وتدعيلي وتخليهم يزورو قبري
ربناةيسترك زي ماسترتني
بكى منير وقالها: انتي ام بناتي وكنتي نعم الزوجة وربنا غفور رحيم وان شاءالله تقومي وتخفي وتجوزيهم
