وصية حمايا
احمد" بيضحك ويتمطع، باسها "
( انا جعان اوى)
منار " قامت ع السرير
( بس كده من عنيه)" قلعت البورنس ولابست قميص وروب ونزلت المطبخ تحضر فطار"
من ورا الباب" تحيه ماسكه الفون وبتتكلم فيه"
( متعيطيش ي ست سهر، ي بنتي اهدي حرام عليكي نفسك)
منار " بتهز دماغها وفي نفسها بغيظ"
( بقي كده، سهر قاعده عندك انتي ي عقربه، فل اوووى)
وطلعت من غير ما تحيه تحس بيها
احمد كان فالحمام
الفون رن وكانت ملك" مسكت الفون ورمته ع السر "
رن رساله واتس
" سهر، انا لقيت فريحه"
منار " مسكت الفون"
( لقت فريحه، ازاى، ده انا سبتها جنب دار ايتام ومعرفش حتي اسمها اي)
وفي نفسها ( هي عرفت منين ان فريحه مش معايا ده انا قولتلها انها عند حد من أصحابي غيرها)
رددت عليها
( هي معاكي ي ملك)
ملك
( ايوه بس البنت حالتها صعبه اوى وتقريبا فاقده الذاكره)
منار بخباثه
( بنتي انا فقدت الذاكره طيب ازاى)
ملك
( معرفش)
منار
( انا عاوزه بنتي)
ملك
( تعالي خوديها هي معايا)
منار
( ساعه وهكون عندك)
ملك
( انا قريبه منك هجيلك واتصل بيكي)
منار
( هستناكي) " قفلت شات الواتس وفي نفسها
( كدة يبقى كملت، انا دلوقتي عرفت مكان سهر وفريحه وهخلص منهم مره واحده)
قامت لابست
احمد خرج من الحمام مش في وعيه وغير متزن
" قرب منها وحضنها من ورا "
منار" بعدت عنه "
( بعدين ي حبيبى)" باسته من شفايفه"
( بقولك انا نازله رايحه مشوار وساعه واكون عندك)
احمد " نام ع السرير"
( انا هنام ولما ترجعي نفطر مع بعض، انا ميت جووع ونوم، مش عارف مالي)
منار
( ساعه واحده بس)
__ونزلت جري ع اوضه تحيه بعد ما اتأكدت انها فالمطبخ وفتحت شنطتها وخدت مفتاح شقتها
وخرجت ع الجنينه وهي بتتسحب علي غرفه البواب، غرفه مهجوره مفيهاش غير چراكن بنزين
دخلت خدت چركن وخرجت بيه وحطته في العربيه...
الفون رن كانت ملك
الو..
ملك.. انا واقفه بالعربيه ع اول الشارع
منار.. ثوانى وهكون قصادك
ركبت العربيه واتأكدت ان الچركن مقفول كويس حطت عليه كاڤر العربيه وغطته وشغلت التكييف وطلعت ع اول الشارع، كانت ملك واقفه قصاد العربيه ومعاها فريحه
منار " خدت فريحه من ايدها وحضنتها"
( بنتي حبيبتى، اي اللي عمل فيكي كده)
ملك
( معرفش، بس البنت كانت هتتباع)
( وربنا اراد لها النجاه)
( بنتك في ايدك وبكده انا سلمتك امانتك)
منار
( شكرا)
خدت فريحه وركبت معاها العربيه وطلعت باقصي سرعه ع بيت تحيه ولما وصلت البيت محدوف في مكان بعيد وكأنه مهجور، خدت الچركن البنزين في ايد والايد الثانيه فريحه، طلعت وهي بتتسحب ولما وصلت حطت الچركن جمب الباب
طلعت المفتاح وفتحت باب الشقه....
__ منار حطت چركن البنزين قدام الباب وطلعت المفتاح فتحت باب الشقه " بتشب ب دماغها بتشوف في حد جوه ولا لأ، لسه هتقدم اول خطوه، سمعت صوت مجهول بينده ست تحيه
منار بتوتر وارتباك بصت وراها " في نفسها ( ي نهار اسود ده مين ده، انا لازم اتصرف بسرعه وانزل من هنا) " بتبص حواليها شمال ويمين"
في نفسها " بصت فوق"
( مفيش غير حل واحد) " خدت فريحه وقفلت الباب وخدت الچركن طلعت جري ع الدور اللي فوق، بتبص حواليها لقت نفسها في السطوح"
في القس..
عدنان بزعيق ( فين الظابط اللي هنا)و
احلام ( ايوه فين الظابط، احنا مش هنفضل ملطوعين كده كتير )
" جوهرة قاعده ع الارض بتعيط ومفيش ع لسانها غير، فين بنتي ريتاچ، انا عاوزه ريتاچ "
العسكري لعدنان بزعيق ( انا مش عاوز صوت)
جوهره بدموع ( فين ريتاچ)
عدنان بارتباك ( انا مش متهم بأى شئ علشان بتقبض عليا، وبزعيق: انا عاوز اخرج من هنا)
احلام ( نعم انت بتقول اي، ما كله بسببك)
عدنان بتجاهل لكلامها ( انا عاوز المحامى بتاعي)
احلام ( منك لله ودتنى في داهيه)
عدنان قرب منها ( انتي مين ي ست انتي وبتتكلمي معايا كده ليه)
في اللحظه دي كانت ملك وصلت القسم علشان تقول كل اللي تعرفوا عن احلام
احلام " قربت منها وبتحاول تمد ايدها عليها وبتشدها"
( كله بسببك، انا مش هسيبك ي بنت الكل"ب)
ملك بتوتر وزعيق" بعدت عنها وزقتها "
( انتى بتمدى ايدك عليا ي خطافه العيال، ماشى، ماشى، اما وداتك في ستين داهيه مبقاش انا ملك وبضحكه سخريه وبتبصلها من فوق لتحت بقر"ف
وانا اللي كنت بفتكرك زبونه محترمه قال)
" العسكري ماسك ايد احلام وبتحاول تفلت منه بغضب "
( محترمه غصب عنك وعن اللي خلفوكي)
العسكري بشخط
( انا مش عاوز صوت منك ليها)
_وبعد دقايق دخل العسكري غرفه الظابط ولما خرج طلب من الجميع يدخلوا
دخلت ملك واحلام ووراهم عدنان وزوجته جوهره المريضه عقليا
وعند المواجهه انكر عدنان انه يعرف احلام
احلام بصراخ
( انا مخطفتش حد انا بريئه ي باشا)
الظابط بحده " بيبصلها"
( لما اسألك تتكلمى)
ملك بزعيق
( دى كذابة)
الظابط لملك
( اومال فين البنت)
ملك بخجل واحراج " قربت من ولأنه معرفه هو زوج صاحبتها الانتيم" قالت
( انا بجد اسفه ي وائل، فريحه حالتها النفسيه سيئه جدا وكمان وشها فيه حرو"ق ده غير ان البنت تقريبًا مش فاكره اي حاجه)
الظابط بارتباك لملك " احم احم "
( تمام بس ده ميمنعش ان هناخد اقولها في النيابه)
ملك
( اه اكيد)
احلام بصراخ
( انا بريئه)
الباب اتفتح" العسكري دخل ووراه ليلي "
ملك بابتسامه خباثه ل احلام
( ليلي جت)
" احلام لما شافت ليلى اغمي عليها"
عدنان لظابط
( انا هقول كل حاجه)
الظابط" طلب منه يقعد"
( اتفضل قول انا بسمعك)
في فيلا الدمنهوري ( غرفه معتزه وكريم)
" معتزه فاتحه الدولاب وبدور جواه "
__ كريم نايم في السرير ولما صحي من النوم
" بيبص لقي هدوم وحاجات واقعه ع الارض"
كريم
( اي ده في اي)
معتزه بتوتر
( مفيش)
كريم " بيبص جمبه ع السرير ونزل عينه ع الارض، قام قعد ووطى خد قميصه"
( اومال ده بيعمل اي، والدنيا منعكشه ليه كده وبعدين انتى مطلعه كل الدولاب بره، هو في اي بجد)
معتزه بارتباك وشخط
( ما قولتلك مفيش)
كريم
( انتى بتزعقي كده ليه)
معتزه بتجاهل " شالت الهدوم حطتها في الدولاب "
وفي نفسها ( انا حرفيًا في مصيبه ومش عارفه اعمل اي، وخايفه احكي ل كريم اللي حصل)
في غرفه ( عمار ورقيه)
روقيه بغيظ
( يعني مفيش حاجة جديده حصلت ما بين اخوك ومراته وجهاز التسجيل لغايه دلوقتى زي قلته)
عمار بتفكي
( لغايه دلوقتى محدش فيهم اتكلم عن حادثه بابا خالص وموته)
روقيه بنظره سخريه وتريقه
( وده معناه اي بقى ان شاء الله)
