رواية كاملة للكاتبة ولاء حامد
وانتي قاعده تسحي وتنحي زي اللي ماتلها عزيز قومي منتي وشك فقر
سمر بۏجع روح قبل عندك حق يا حاجه حزينه بس ياترى مين السبب
نعيمه بشخطه اكتمي نفسك لاكتمك بكره تبوسي ايدي ورجلي وتدعيلي لما تعيشي وتتهنني وتتبغددي في العز والهنا بكره تقولي ربنا يباركلك يا أما
سمر بۏجع روحي ربنا يسامحك روحي وانا هاقوم روحي ومالكيش صالح بيا روحي واعرفي اني عمري مهسامحك مش عشان الجوازه ولا عشان حلمي اللي اتدفن لا يا حاجه يا اللي زرتي بيت الله وخطيتي ايدك على شباك النبي لا عشان عرضي وشرفي وسمعتي اللي انتي ومرات ابنك خوضتوا فيهم عشان ابويا اللي اتكسر بسببي وانا بريئه روحي واعرفي ان مرات ابنك عندها بت وبكره الأيام ترده وسابت أمها اللي نزل عليها سهم الله من الصدمه من بنتها ودخلت الحمام وغابت جواه وطلعت لقيت حريم أخواتها مستنيينها
ليلي برفعه حاجب جايين نظبطك ونجهزك قبل ما تروحي الكوافير يا عنيا
سمر بنظره ۏجع مش عايزه منك حاجه يا مرات اخويا روحي لحال سبيلك
ليلي بزعيق بتطرديني يا سمر صحيح هستني ايه من واحده
قطعت كلامها سمر كملي واحده ايه ها واحده مظلومه ومغدوره بس متقلقيش سلف ودين خدتيه من الأيام سلف وبكره هاتردي الدين ورفعت وشها للسما يارب يقعدوهلك في بنتك تشوفيها شوفتي وتتظلم ظلومتي صره حلبه لا تعت ولا تسوس
بيتي لالا يا ليلي لو عرفت ايه دليلها وأمها كمان هاتتعك فيها جمبي قلبك اومال
وطلعت قعدت مع الحريم واتجمع الجيران والكل فرحان وبيهني ويبارك
لبست سمر فستان نبيتي وعليه طرحه سوده
نعيمه فرحه قدام الحريم الف صلاه على النبي حصوه في عين اللي يشوفك ولا صلاش على النبي كل اللي بيصلك بأيافه يوعدها بحيه لهافه سمر
نعيمه بصوت واطي اشبه بالهمس مالك يابت بتفطي من زي اللي لدعك عقرب
سمر بهدوء شوك يا حاجه بيوجع مبيدفيش
وسابتها وطلعت ركبت العربيه اللي بعتها أهل العريس ومعاها هاجر مرات اخوها بس طول الطريق كان الصمت حليفها وصديقها الصدوق
وصلت بصمت الكوافير في البلد ونزلت هي وهاجر اللي شايله كيس كبير فيه الفستان وسمر ماسكه كيس تاني فيه الجزمه والطرح اللي هاتلبسها ودخلت بدون اي كلمه او أدنى مقاومه
وفي نفس الوقت في الجماع الكبير اتعمل عقد اشهار لزواج القاصر وابتدت الإجراءات قعد مسعود قدام علام وحط ايديهم في ايدن بعض
المأذون قول ورايا اني استخرت الله وزوجتك موكلتي البكر الرشيد سمر مسعود محمود أبو شامه على كتاب الله وسنه رسول الله وعلى مذهب الإمام ابي حنيفه النعمان وعلى الصداق المسمى بيننا عاجله وآجله
بص المأذون لعلام قول ورايا وانا استخرت الله وقبلت زواج موكلتك لابني جمال علام سنهور الشلاواني زواجا شرعيا على كتاب الله وسنة رسول الله وعلى مذهب الإمام ابي حنيفه النعمان وعلى الصداق المسمى بيننا عاجله وآجله
علام كرر نفس الكلام
وطلع المأذون عقدي إشهار زواج لان القاصر لاتزوج الا بعقد إشهار قبل بلوغ السن القانوني وهو 18 سنه
انتهى المأذون والكل بقى يهني ويبارك وارتفعت اللصوات بالمباركه بين جميع الأطراف
رجع جمال البيت ولبس بدلته السودة وقميص ابيض وطلع من الأوضه أمه كانت مستنياه بمبخره دحان البخور ملئ الجو من حواليهم
محروسه وهي بتلف حواليه بالمبخره حسبتك وسلمتك لرب العرش من عين أمك ومن عين ابوك ومن عين القوم اللي صادفوك ولا صلوش
على النبي يا عين يا عنيا يا سوده يا رضيا يسلم منيكي ببركه محمد ابن عبد الله عين الراجل احد من الخناجر عين المرا احد من الشرشره عين البنيه احد من السفيه عين العجوز اللعنه عليها تجوز كل اللي يبصلك بأيافه يوعدها بحيه لهافه تجعل عين الحسود في قلبك وكل عين تتردلها ان كان خير بخير وان كان شړ بشړ
جمال بضحك ايه يا أما بترقي عيل
محروسه بفرحه لا برقى راجلي وسندي مهما كبرت وعودك شبك هاتفضل في عيني عيل صغير
جمال ميل بأس ايد أمه طيب يلا يا حاجه عشان اروح اجيب العروسه من الكوافير
محروسه يلا يا ضنايا
وطلع الكل من البيت وركب العريس عربيته اللي اتغسلت واتزيت واتحط على الكابوت بوكيه ورد كبير واتحركت عربيه العريس في موكب كبير مليان عربيات وموتوسيكلات في زفه ولا الف ليليه وليله والكل جاي يجامل الحاج علام الشلاواني وطول الطريق العربيات مبطلتش كلكسات واصوات عاليه والشباب بيعملوا خمسات بالموتسيكلات
