أنا مش هتجوز عبيط
*استني، امسكي دا
_دا!!
*أيوة المفتاح، لازم نكشفه وياخد جزاته، أنا عارف انك بنت كويسه، ومش عاوزة مقابل ل اي حاجه بتعمليها، انا هساعدك في الي ناوية تعمليه
خدت منه المفتاح _ بكرة بليل هيبقي التنفيذ
*وانا هتفق مع ظابط تبعي وهحكيله علي كل حاجه
_ ماشي يعمو، اشوف وشك على خير
*هتشوفيني قريب وترجعي تاني هنا إن شاء الله، إركبي العربيه الي برا وقولي للسواق يوصلك البيت
° في اييي؟ واي الشنطة ديي؟ انتي اتطلقتي ولا اي ؟
دخلت وقعد علي كنبة _ لاء بس هيحصل
° الواد بقي كويس؟
_ أيوة
° طب وأبوه وانتي ماشيه مداكيش حاجة كده ولا كده؟
_ مكفكش الي قبضته في جوازي؟ عاوز تقبض كمان في طلاقي؟
*بس يمريم متكلميش ابوكي كده
زعقت _ مصلحتي ؟ انهي مصلحة الي تخليك تبيعني ؟، أنا عاوزة انام
دخلت اوضتي وفضلت اعيط، نمت وصحيت علي رن في الفون
_ايوة يعبدالله
° صباح الخير يحبيبتي، ها طمنيني جبتي المفتاح؟
_ ايوة المفتاح معايا
° امال مجتيش الشركة لي النهارده ؟
_ تعبانة شويه ف روحت اقعد عند بابا يومين
_ شويه تعب بس، المهم نتقابل بعد ما تخلص شغل عشان تاخد المفتاح
° ماشي يحبيبتي هرن عليكي تنزليلي تديهولي
قفلنا وقومت فطرت وخلص شغل وكلمني
° أنا تحت البيت انزلي
_ ماشي نزلالك اهو
نزلت وانا بتسحب عشان محدش ياخد باله
_ اهو، بس خلي بالك بقي، لازم يبقي النهارده بليل
° حاضر، لما اخلص هكلمك، هانت ونبقي سوا
_ أيوة يحبيبي، هطلع انا بقي عشان مش عارفين اني نازلة
طلعت وبدأت اجهز مع ماما الغدا، خلصت وغسلت المواعين وقعدت في اوضتي، عمو رن عليا
_ أيوة يعمو عملت اييي؟
*رايح الشركة اهو، قابليني هناك
_ حاضر جاية
قومت لبست وقولتلهم في البيت اني هخرج اشم شويه هوا، ركبت تاكسي وروحت الشركة، روحت لقيت العساكر قابضين عليه
° مريم إلحقيني يمريم
عيطت _ مش هعرف اساعدك المرادي، انت الي عملت فينا كده يعبدالله، لما أجرت الراجلين عشان ياخدوا احمد ويجبهولك وبعد كده تطلب فدية، لما طلبت مني اخد من فلوس الراجل الي معيشني في بيته، كنت دايما ادعي نبقي مع بعض، الحمد لله أنه مستجابش، الحمد لله أنه مستجابش
العساكر خده ودخلوه البوكس، لفيت ورايا عشان امشي لقيت احمد = مريم أنا..
= لازم تسمعيني
_ وانت مسمعتنيش لي ساعتها؟
حط وشه في الأرض ومردش، مشيت خطوتين وسلمت علي باباه *كتر خيرك يبنتي علي كل الي عملتيه
_انا معملتش حاجه، اشوفك وشك علي خير، مع السلامه
مشيت وانا مودعة كل حاجه، ذكرياتي، ومشاعري، وقلبي.
رجعت تاني ل حياتي العادية، ل خناقاتي معاهم الي مبتخلصش، بعد تلت ايام وب الليل بالتحديد
الباب خبط فتحت لقيته عمو عاصم
_اهلا اهلا، اتفضل
دخل وقعد *خطوة عزيزة
° الله يكرمك يحاج، كده يمريم تسبينا وتمشي
_ هاجي ازورك كل فترة اكيد
° كل فترة؟ تعالي يشملول صالح مراتك، تعالي يا أخرة صبري
بصيت علي الباب لقيت احمد _ طب بعد اذنكم
دخلت اوضتي بسرعة وقفلت الباب، فتح الباب ودخل
_ ايدا!، انت ازاي متخبطش؟ وازاي تدخل هنا أصلا
