انت يا زفتي مش قلت تمسحي السلم
سليم قام فطر وأخد دش وخرج للشغل
تاج بعد ما سليم خرج بصت للورق وقالت بخبث: دورك يا نهلة يلا استعنا على الشقا بالله وخدت الورق خبته تحت هدومها وشريط الحبوب في جيوبها ونزلت لـ حماتها
نهلة: انتي شرفتي يا حيليتها ادخلي ارمي البت دي في أي داهية واعمليلي كوباية شاي مصدعة
تاج في نفسها: بعيد الشر عن بينتي إن شالله انتي وهي لا يا بنت كوم الشكاير وكملت بصوت عالي: حاضر يا حماتي وابتسمت ابتسامه خبيثة وهي بتقول: دا كدا احلوت أوي
تاج أدت الشاي لـ نهلة وقالت: انا هروق وهمسح السلم يا حماتي وكيان جمبك أهي على ما اخلص
تاج دخلت المطبخ وبقت تراقب نهلة اللي بعد ما خلصت الكوباية بقت تقول: بس بقي يا حاج عيب كدا اهيهيهيهي
نهلة اللي كل خمس دقايق بحالة شوية تقول أنا هنا يا حاج انا هنا
و شوية تقول منزعلش يا حاج طب اية يرضيك:- اية ارق@صلك حاضر يخويا
تاج بصت ليها وبقت فطسانة على نفسها من الضحك وخدت الأوراق وهي بتقول: اذيك يا نهولة
تاج بصت لـ نفسها وقالت:- انا حاج وكملت حاج حاج المهم تمضي
تاج: انا بخير يا نهلة ومش باجي من عمايلك السودة خدي امضي هنا
نهلة مسكت القلم بدروخة: عنيا يا حاج عنيا بس متتاخرش عليا تاني انت عارف مقدرش أعيش من غيرك
تاج: عنيا ليكي يا نهلة امضي هنا كمان أيوة آخر ورقة بقي أيوة كدا يا حبيبي تعالى معايا بقي
تاج: سفلة من يومك يا نهلة الكلب وقالت: هدخلك تنامي شوية أصل شكلك تعبان أوي
نهلة: حاضر يا حاج هعمل كل اللي تقول علية بس بلاش تسيبني يخويا انا استحمل أي حاجة إلا إنك تتجوز عليا
تاج:- مهو لازم يتجوز عليكي من عمايلك دي كتك الهم
نهلة دخلت ونامت بس بتهلوس وتاج أخدت كيان ونزلت لـ سماح
سماح:- عيوني ليكي يا أم كيان بس رسيني هتعملي معاهم اية
