كنت نايمه صحيت علي زعيق
وبيقوله: هي دي تربيتك
بابا: احسن من تربيتك يافاشل
منال: انتي بتمدي ايدك على نور انا هعلمك الادب
ابتسمتلها بسخرية وحبيبة جت وقفت جنبي ومسكت ايدي
اتدخلت فادية وقالتلها: احترمي نفسك وربي بنتك السا،@فلة الي جت تقولها ياخدامة
حبيبة: خدامة مين يابت انتي ان شاء الله هايبقى مصيرك انتي من كتر السقوط والفشل
لسة نور هاترد عليها
فجأة سمعنا عدي الي كان بيتابع وساكت بيقول: لحظة ياجماعة نور انتي قولتي كدة
الكل بيتفرج ونور واقفة قدام اخوها بتترعش وهو بيبصلها بحزم ولما منطقتش راح قال وهو بيبصلي: حلا ممكن تحكيلي الي حصل
قولتله بهدوء: مرات عمي طلبت مساعدتي وانا مشغولة معاها بالمطبخ دخلت نور وقالتلي شاطرة ياحلا وفرتي علي مرات عمي حق خدامه فضربتها بالقلم
بص لاخته وقالها: بنت عمك الي عمر ماحد سمع صوتها والكل بيحلف باخلاقها ازاي تقوليلها كدة
اتفضلي اطلعي شقتنا وحسابك. معايا
جريت نور على شقتهم وهي بتعيط
ردت امه بعصبية: كانت بتهزر
عدي بص لامه بغيظ ووجه.كلامه ليا: انا اسف ياحلا اسف ليك ياعمي
بابا: حصل خير
قام جدي الي كان قاعد وساكت وقال لعمي منصور ولبابا: العيال والستات لو ولعو في بعض ماشوفش حد منكم يارجالة بيتخانق مع اخوه لو دي اتكررت هاتحرمو عليا لحد. مااموت
بابا وعمي بصوا في الارض جدي قال: اعتذر يامنصور لاخوك انت الي غلطت فيه الأول
عمي: حقك عليايامنير
بابا: انا اسف يامنصور
منال كانت بتغلي من الغيظ
فادية: يلا ياجماعة محصلش حاجه
وحضنتني وقالتلي: جدعة ياحلا دي بنت سافلة محدش رباها
وواحتفلنا بعيد الميلاد وكل ماعنيا تيجي على منال الاقيها بتهري وبتبصلي انا وفادية بكل غل اتجاهلتها وشوية وبابا جاله تليفون وطلع يرد عليه برة عشان الدوشة
لقيت عدي قرب مني وبيقولي: اوعي تزعلي ياحلا
: محصلش حاجة
على فكرة انا هخليها تعتذرلك
: مفيش داعي
ابتسم وكان وسيم جدا وقالي ممكن اسألك سؤال
اتفضل
: هو دة لون عنيكي بجد
ضحكت وقولتله: اكيد بعد اذنك
مشيت وسيبته خبطت في احمد ابن. عمي كان جاي متأخر ومستعجل
قال: انا اسف ياحلا هو خلاص طفو الشمع
باسم قاله وهو بيضربه في رجله: انت لسة فاكر ان ليك اخ يااستاذ
احمد شاله وباسه وقاله: حقك عليا يابسوم
باسم قالي: اتفضلي بقى ردي انتي ينفع اخويا الكبير وعمايله دي
ضحكت وقولتله: خلاص بقى ياباسم عشان. خاطري سامحه
باسم: عشان خاطرك ياقمر العيلة
وصل بابا وشه. كان. متغير سلم على احمد ونده اختي وطلعنا شقتنا
بعد. مادخلنابابا قالي: انا مبسوط انك اخدتي حقك وعاوزك انتي واختك دايما كدة سامعة ياحبيبة
حبيبة: طبعا يابابا
انا: اكيد يابابا
بابا: اقعدو يابنات انا عاوز اقولكم على حاجة مهمة
انا واختي: خير يابابا
بابا: انا..........
منير بحزن: امكم في المستشفى بحالة صعبة وعاوزة تشوفكم
وانا سيبتلكم القرار
حبيبة: دي رمتنا وسابتنا من صغرنا
قولتلها: اسكتي ياحبيبة دي امنا مهما حصل
بابا: ربنا يكملك بعقلك يعني هاتسافرو عشان تشوفوها
انا: ايوة يابابا وحضرتك هاتيجي معانا
بابا: طبعا ياحبيبتي مستحيل اسيبكم لوحدكم
بكرة الصبح جهزو نفسكم الجمعة والسبت اجازة بكل الاحوال ياللا عالنوم
انا وحبيبة: تمام تصبح على خير
دخلنا اوضنا وغصب عني كل الذكريات اقتحمت عقلي بصيت للسلسلة بتاعتها وقلبي وجعني
حاولت انام مقدرتش الصبح اول ماطلع فضلت اروق البيت بهدوء كدة كعادتي وفجأةسمعت صوت برة باب الشقة حد بيتسحب
بصيت من العين السحرية لقيت واحدة بتعمل حاجة على العتبة
مكانش في وقت اصحي بابا فتحت بسرعة ومسكتها من. هدومها لقيتها
منال مرات عمي بتدلق مية على عتبتنا
صرخت وزعقت:انتي بترشي ايه اعصابي كانت بتترعش من الموقف وهي اتصدمت وحاولت تهرب وانا قاقشاها وبازعق ومن غيظي لطشتها بالقلم: بتعملي ايه عاوزة تسحرينا ياكافرة اصحى ياجدي تعالو يااعمامي شوفو منال الي متعرفش ربنا
بابا وحبيبة صحيوا والبيت كله طلع عندنا وهي مش لاقية كلام. تدافع بيه عن نفسها احنا اخر دور وازازة الي فيها مية العمل بايدها وهي من صدمتها مش عارفة تنطق وبتعيط وبس
بابا بص للمنظر وقال لاخوه الي كان واقف مبلول ومش عارف ينطق: ايه رأيك في مراتك ياحاج منصور
رد جدي: هي حصلت عمل لحفيدتي ايه الجحود. دة
نور كانت واقفة بتعيط وبتقول: ماما ردي قولي انهم. كدابين
ومنال بتعيط وبتداري وشها طلع عدي على الدوشة وهو بيتاوب وبيسأل في ايه وعمي محمد حكاله الي حصل
بص لامه بصد@مة وقال: مش معقول
بعد فضيحتها قدام الكل سيبتها واناوبقول: حسبي الله ونعم الوكيل بتشركي بالله ليه كدة دة احنا اهل مهما حصل عليكي من الله ماتستحقي
جدي قال: كل واحد ياخد عياله وينزل على شقته وانت يامنصور شوف هاتحل مع مراتك ازاي يااما هاتصرف انا بطريقتي وانت يامنير هاتلي ملح خشن ومية
وزعق بالكل ياللا كله ينزل على شقته
