أنا مش هتجوز عبيط
° هو انتي مش واثقة فيا ؟
_اكيد واثقه فيك، بس طلعها من الاوضه مش لازم تقعد معاك في نفس الأوضه، واه مش لازم بردو تقولك يبيبي
ضحك ° حاضر، المهم دلوقتي هو وافق بجد ؟
_اه والله، روحله الشركة بكرة وهتتعين علي طول، هو قالي يعتبر نفسه شغال خلاص في الشركة
° حبيبتي ربنا يخليكي ليا، مش عارف من غيرك كنت هعمل اييي
° طب هقفل دلوقتي بقي عشان ألحق انام، تصبحي علي خير يحبيبتي
_وانت من أهل الخير
قفلت وانا مضايقه، حاسه إن فيه شئ غريب!، الباب خبط ف فتحته
_ايوة يا احمد في حاجه ؟
=مش جايلي نوم
_طب استني اجي اديك الدوا قبل ما انسي
دخلت اوضته وطلعت الدوا من الدرج
_يلا يا احمد بقالي نص ساعه مسكاه!
_عشان تبقي كويس
=لي هو انا عيان؟
_أرحم امي العيانة واشرب
=..
_ملاهي بكرة ها، وقولت لباباك ووافق، ف لو مخدتوش ممكن..
خده من أيدي =مخدوش لييي؟ دا حتي طعمه حلو
شربه ووشه كرمش ف ضحكت
_اعملك عصير يضيع طعمه؟
=فيه عصير في التلاجة دييي
_انت عندك تلاجه في اوضتك ؟ دا ظلم يجدعان أنا معنديش واحدة في اوضتي
_انا مبحبش التلاجات اصلا يمعلم
=هو انتي عندك كام سنه يمريم؟
_٢٣
=كتير اوييي
_اي امو0ت ولا اييي؟
=لاء لاء خليكي مسلياني
_الله يكرمك
=نتفرج علي التليفزيون ؟
_متنام احسن
=مش جايلي نوم والله، نتفرج سوا وهنام بعدها
_طب افتحه
فتح التليفزيون وقعد جمبي، كان فيلم رومانسي، البطل قرب من البطلة ف لقيته قرب مني
=تعالي نمثل زيهم
_لاء دا فيلم مش حلو اصلا، استني اقلب
شد مني الريموت وقرب كمان
البطل قال للبطلة أنها حلوة اوييي
=انتي حلوة اوييي
كان بيبصلي في عنيا، كانت عنيه بريئه، عمري ما شوفت عينين حلوة كده!
مد أيده وحط خصلات شعري ورا ودني زي ما عمل البطل، لاء جيم اوفر بقي مش هينفع
قومت من مكاني _انت لازم تنام
_يسطا مش هينفع نمثل انا مش خريجة فنون مسرحية أصله
قفلت التلفزيون، جيت امشي مسك أيدي
=خلاص افضلي قاعدة لحد ما انام
_يعم لو شاريني فكرني دافع فيا كام
=اقعدي يمريم بقي
_ماشي يسيدي، ها مش عاوز تنام لييي بقي؟
=عاوز بكرة يجي بسرعة عشان نخرج
_قد كده نفسك تخرج؟
=اوييي
_انت طيب يا احمد، العالم برا مش زيك كده
_لاء، فيه ناس وحشه، اب بيبيع بنته عشان الفلوس! العالم مش وردي ابدا
عيطت لما افتكرت الي ابويا عمله فيا
=متزعليش، أنا عرفت إن الناس حلوة لما شوفتك
